دوري بشوفك من أجمل زواياك 
روحي ألين أخر هدبك وتعالي 
أمشي ...من هنا لآخر..هناك 
خلك يميني وأشعر انك شمالي 
شقي ستر ثوب الحيا شق يفداك 
صبي غنجك بكاس روحي بدالي 
أرواك وأظما منك وأظماك وأرواك 
أروي وتظمأ في يدينك أحبالي 
يا طعم مرك لاتساوي مع أحلاك 
منك الشهد علقم ولو كان حالي 

قولي أحبك أعشقك...قولي أهواك 
خليني اوصل في غرامك خيالي 
أموت دونك حي وأحيا بلقياك 
أدري أبرخصك لكن أشريك غالي 
من قبل لاتزعل..اجيك أطلب ارضاك 
وأجيك ميت بالزعل ما تبالي 
أنا معك ماكنت الا أنت وياك 
وانته معي ما كني الا لحالي 
ابسألك باللي حرمينك وأعطاك 

قلبي وروحي وشعري ورأس مالي 
هو فيه شخص سوي سواياك 
هو فيه أعذب منك لآمن طرالي 
والورد ليه الورد...يذبل بيمناك 
ليه أترجا في جوابك سؤالي 
الي متي والقلب في سجن رجواك 
الي متي والعقل يلبس أهبالي 
دام العزي يأسه علي حد مسراك 
وشوله أرقا والوطا صار عالي 
أنثر حروفك فوق الآوراق والقاك 
عشقي من الآربع جهات الشمالي